JJKkQSXRDuY

Вуылӥ “Шундыкаре”

Та гужемез мон кема йырам возё на. Туэ нырысьсэ вуылӥ «Шундыкар» нимо удмурт лагере. Татчы шедён понна таланто удмурт нылпиос конкурс пыр потоно луизы. Отрядъёслэн ӧнерчиоссы (11 кузя) асьсэ ӧрзыя тужгес но устооссэ бырьизы. Куке мон тодӥ, «Журналистика» отрядэ шеди шуыса, мон сюлмаськыны кутски: мар мон каром, эшъёсы ке ӧз луэ? Мукетъёсыз пӧлын бездытгес адӟиськи ке? Али мон валасько ини вань тулкымъяськонэ токма вал шуыса, угось со омыр, со адямиос, со ужрадъёс, шудонъёс, пыраклы мынам сюлэмам кылёзы. Та дас нунал куспын 120 мурт одӥг бадӟым семьялы пӧрмиз. Быдэс лыдӟыны->>>

JJKkQSXRDuY

“Шундыкаре” шедем нылпиос

 

Удмурт егитъёслэн мерлыко “Шунды” огазеяськонзы 20-29-тӥ гудырикошконэ «Ёлочка» лагерьын “Шундыкар 2017″сменаез ортчытэ. Ӧтиськомы 5-11-тӥ классын шор ёзо школаосысь но 18 аресозь шор дышетсконниосысь удмурт нылпиосты.

Уж нуиськоз таче ӧръёсъя:
Быдэс лыдӟыны->>>

JJKkQSXRDuY

Быдэ вуонлэн пужыосыз

 

Мувыр-Вишур гуртысь егитъёс визитказэс возьмато

Шаркан ёросысь Мувыр-Вишур клуб быдэ вуонлы сӥзем «ЭРУ» шулдыръяськонэз 3-тӥзэ ортчытӥз. Та гуртысь егитъёслэн командазы 2 пол вормылӥз ни, оло, удалтоз туэ но?

Мувыр-Вишуре вуимы но, соку ик мылкыдмы ӝутскиз: быдэс арня зоръёс кисьтэм бере шунды быдэс нунал пиштӥз. Мукет сямен луыны но уг быгаты – та «Шунды» огазеяськонлэн ужрадэз ук. Ми, огазеяськонлэн ёзчиосыз, нырысетӥосыз пӧлын вуимы. Берпуметӥ дасяськонъёс, шулдыр кырӟанъёс, ӝоген вуозы соос – ёросъёсысь 14-18 аресъем егитъёслэн командаоссы.
Быдэс лыдӟыны->>>

JJKkQSXRDuY

Быдэ вуонлы сӥзем “ЭРУ” шулдыръяськон

Шаркан ёросысь Зар-Вишур гурт нош дась пумитаны куноосты Быдэ вуонлы сӥзем «ЭРУ» шулдыръяськонын. 28-тӥ пӧсьтолэзе командаос пӧртэм ӵошатсконъёсын асьсэдыс возьматыны быгатозы.

«ЭРУе» быгато пыриськыны 14-18 аресъем егитъёслэн командаоссы: 4 нылъёс но 4 пиос. Дасяны кулэ визитка но одӥг хедожественной номер. Шулдыръяськон улсын «Кык дыдыкъёс» ӵошатскон ортчоз (пыр-почгес положениын). Быдэс лыдӟыны->>>

JJKkQSXRDuY

“Шундыкар 2017” лагере конкурс

Удмурт егитъёслэн мерлыко “Шунды” огазеяськонзы 20-29-тӥ гудырикошконэ «Ёлочка» лагерьын “Шундыкар 2017″сменаез ортчытэ. Ӧтиськомы 5-11-тӥ классын шор ёзо школаосысь но 18 аресозь шор дышетсконниосысь удмурт нылпиосты. 

Конкурс таӵе ӧръёсъя радъяське: суредаськон, литература, крезьгур (фольклор, эстрада, крезьгурчиос), театр, тележурналистика, крезь лэсьтон, эктон, видеоискусство, дӥськут дизайн.
Быдэс лыдӟыны->>>

JJKkQSXRDuY

«Шудком» вите визь люкъёсты.

Удмурт визьпогъёс, дасесь-а тӥ кужымъёсыныды нош мерттаськыны? «Шудком» удмурт визьбур клуб кутсе II-тӥ сезонзэ! Егитъёслэн  «Шунды» огазеяськонзы возьмалоз тиледыз 29-тӥ южтолэзе 19:00 часэ «Old Fox» («Старый лис») кафе-барын.

Ачиз сярысь клуб нырысьсэ вераз 2016-тӥ арын. Пумиськонъёс ортчылӥзы толэзьлы быдэ ӟуч «60 секунд» шудон сямен. Шудонлэн нырысетӥ сезоназ вормиз Ижкарысь «Валамон-Паримон» команда. Кыкетӥ луиз «Кынкорт», куинетӥ — «Кыло-ымо». Татын портэм юанъёс пумисько: одӥгъёсыз эскеро тынэсьтыд котыр ласянь тодонъёстэ, мукетъёсыз малпаськыны быгатэмдэ. Татын удмуртлыкен но герӟаськем юанъёс пумисько.
Быдэс лыдӟыны->>>

JJKkQSXRDuY

Нош тон тодӥськод-а, кин со Вогул?

cQrJKY-hETM
Гурт изе – сайкало Вогулъёс.

Анай кыллэсь нуналзэ аспӧртэмлыко пумитазы “Шунды” огазеяськонысь егитъёс. 21-тӥ тулыспалэ ваньзылы тодмо “Мафиен” выль сямен шудӥзы “ЛИФТ” нимо юртын. 

“Удмурт кылын – Коми сямен”, – таӵе девизэн мытӥськиз ужрад. Финн-угор кылъёс пӧлысь ӵапак соос тужгес но матын ог-огзылы луо. Егитъёслы дэмлазы тодматскыны Комиен шудон пыр.

Ӝытэз ортчытыны юрттӥз Коми нылаш – Виктория Габова. Солэн верамезъя, Коми музъемлэн шунды ӝужан палаз кема дыр ӵоже улӥллям вогулъёс, али соосты Манси нимало. Та легенда вылэ ик пыкъяськыса, малпамын вал карточкаос.

Быдэс лыдӟыны->>>

JJKkQSXRDuY

«Куарагур» проект усьтэ выль сезонзэ!

QBt9lP1M-T0«Удмурт фабрика звёзд» – ӵапак тазьы кутскизы ниманы та проектмес калыкын. Туэ со ньылетсэ радъяськоз ни! Дышем сямен, пӧртэм этапъёслы люкемын луоз: заявкаосты кутон, кырӟанэз студиын гожтон но гала-концерт.

Ялӥськомы нырысетӥ этапез!

15-тӥ южтолэзёзь кутӥськомы заявкаоссэс вань мылкыд карисьёслэсь (егит кырӟасьёслэсь, кылбурчиослэсь, крезьгурчиослэсь). Гала-концертын тужгес но устоосыз пусъемын луозы.
Быдэс лыдӟыны->>>

JJKkQSXRDuY

“Вуюись” семинар пайдаё ортчиз!

P_20170215_114732[1]15-тӥ тулыспалэ 2017-тӥ аре Эшъяскон юртын «Вуюиь» дышетон семинар ортчиз. Та семинар пӧртэм ёросъёсысь удмурт егитъёсты  огазея, ог-огенызы герӟет возьыны площадка луэ но мерлыко огазеяськонъёсты нуон уж бордын люкам тодон-валанъёсын люкиськыны быгатонлыкъёс сётэ.

Семинар котырес ӝӧк бордысен кутскиз. Татын али дырлы валтӥсь, тужгес но сюлмаськытӥсь юанъёс ӝутскизы.
Быдэс лыдӟыны->>>

JJKkQSXRDuY

Мафия – Удмурт кылын, Коми сямен

okonchatelno_afisha_udmurt

Калыккуспо анай кыллэн нуналэныз егитъёсты тодматон понна, Удмурт егитъёслэн мерлыко «Шунды» огазеяськонзы 21-тӥ тулыспалэ Коми кылын «Мафия» шудонэз ортчытэ. Отчы быгато пыриськыны студентъёс, дышетскисьёс но ужась егитъёс, кудъёсыз верасько удмурт кылын.

Анай кыллэн нуналаз огазеяськон котькуд ар пӧртэм ужрадъёсты ортчытэ: «Вераськисько анай кылын» акция, «Азьдага» шудон но мукет. Таиз ар но портэм ӧз луы. «Удмурт кылын, Коми сямен» девизэн «Шунды» огазеяськон ортчытэ «Мафия» шудонэз.
Быдэс лыдӟыны ->>>

JJKkQSXRDuY

Егит удмурт азьветлӥсьёс понна «Вуюись» дышетон семинар

pXCSZ7GjX7oУдмурт егитъёслэн мерлыко «Шунды» огазеяськонзы 15-тӥ тулыспалэ 2017-тӥ аре «Вуюись» дышетон семинар ортчытэ. Та семинар Удмурт Элькунлэн ёросъёсысьтыз удмурт егитъёлэсь огазеяськонъёссэс кужмоятон понна, мерлыко ужен выронын люкам тодон-валанъёсты огъя уже кутон понна но егит удмуртъёслы дышетскон, герӟет возён инты кылдытон понна ортчытӥське.

2017-тӥ арын «Вуюись» нырысьсэ ортчоз. Семинаре люкаськозы ёрос отделениосын кивалтисьёс но огазеяськонысь азьветлӥсьёс.
Быдэс лыдӟыны ->>>